ТӦЛЫН МЫЙ ПРИМЕТИТАВНЫ

Поводдя вежласьӧм.

1. Пасйӧй, кымын часын шонді петӧ и саялӧ декабр тӧлысьын 1-я лунас, 15-ӧд лунас и 23-ӧд лунас.

2. Пасъялӧй вочасӧн лым джудждаммӧм быд дас лун бӧрын (1 лунӧ, 10-ӧдӧ, 20-ӧдӧ).

3. Пасйӧй вогӧгӧрся календараныд торъя графаас: кутшӧм лунъясӧ ёна джуджыда лым уси, кор ёна кӧдзыдъяс вӧліны (25°-ысь кӧдзыдджык), кодыр друг ульдыліс.

4. Мерайтӧй, джуджыд-ӧ йи вӧлі быд тӧлысьын юяс вылын.

5. Пасйӧй, кор лоны кутісны йинёньяс жӧлӧбъяс дорын.

Пӧткаяс, пемӧсъяс, гагъяс.

1. Кутшӧм пӧткаяс тӧв кежлӧ кольччисны (эз лэбны шоныдінӧ)?

2. Мыйӧн вердчӧны тӧлын вӧрса пӧткаяс — таръяс, сьӧлаяс, байдӧгъяс и мукӧд лэбачьяс, сизьяс, джиянъяс, кеняяс, жоньяс?

3. Кутшӧм пӧткаяс узьлӧны репасын? Мыйла?

4. Тӧдмалӧй вӧрӧд лызьӧн ветлігӧн пӧтка кок туйяс. Корсьлӧй репасъяссӧ, видзӧдлӧй куйӧдсӧ, мый сёйӧмаӧсь.

5. Кытчӧ дзебсьӧны кӧдзыд дырйи вӧрса пемӧсъяс (зверъяс)? Кыдзи шусьӧны зверъяслӧн позъясныс (пырмӧс, кайт, гу, горс, с. в.)?

6. Приметитӧй, кыдзи олӧны видзан пемӧсъяс (мӧсъяс, вӧвъяс, ыжъяс, порсьяс, мукӧд).

7. Мыйла тӧвнад порсьясыд гартчӧны идзас пиӧ? Кысянь сылӧн сійӧ привычкаыс кыссьӧ? Сідз жӧ: мыйла понъяс водіганыс бергӧдчасны войдӧр ас гӧгӧрныс, сэсся вӧлись водасны? Кысянь сійӧ?

Мортлӧн олӧм-уджалӧм.

Пасйӧй быдлунся пасйӧданыд:

1. Кор локтісны арся вӧрысь кыйсьысьяс.

2. Кор заводитісны пӧрӧдны сортовка кер.

3. Кор мунісны тувсов вӧрӧ.