ВАЙӦ ЛӦСЬӦДАМӦЙ ВЫЛЬ ОЛӦМ

Миянӧс велӧдысь, Владимир Ильич Ленин, век шулывліс: буржуазиякӧд вермасигӧн пӧ медколанторйыс — том войтырлӧн велӧдчӧм да дзоньвидзалун. Ӧтчыд сылы воӧма сиктса школаын велӧдчысь челядьсянь письмӧ. Челядь сылы гижӧмаӧсь: „Муса Ленин пӧльӧ, ми неуна кужам нин лыддьысьны да гижны, кужам унатор вӧчны, быд лун ӧні мыськам чужӧмнымӧс да кинымӧс“... Ленинлы зэв нимкодь лои тайӧ письмӧ воӧм бӧрад да шуис, весиг пӧ ӧд сиктса челядь нин лӧсьӧдӧны выль олӧмтӧ, ӧні пӧ, дерт, сэсся вермам.

________________

Кутшӧм выль олӧм йылысь нӧ шулывліс Ленин? Кодӧс кӧсйис вермыныс? Ті нӧ кӧсъянныд онӧй отсавны выль олӧмсӧ лӧсьӧдны? Кыдзи нӧ понданныд отсавнысӧ? Мыйла тіян школаныд „уджалан школа“-ӧн шусьӧ?