МЫЙ ЛОӦ СЁЯНӦН РУШКУЫН ДА СЮВЪЯСЫН

Вомын сёян пиньясӧн курччалігӧн сорласьӧ дульваӧн, небзьӧм бӧрти горшӧд пырӧ рушкуӧ. Рушкуын сёян пусяс, сорласяс рушкуса ваӧн, лоӧ кизьӧр рок кодь. Рушкусянь сёян петӧ сювйӧ. Сэні сорласьӧ сӧн ваӧн да дзикӧдз пусяс. Пусьӧм сёянсьыд сюв кучикъясыс нёняласны (юасны) миян яйлы став коланторсӧ, сетасны вирӧ. Вирыс сійӧс паськӧдас став туша пасьта. Пусьытӧм колясыс, кодӧс сюв кучик оз вермы нёнявны, веськыд (кыз) сюв кузя шыбитчӧ бӧр ортсӧ.

____________

Мыйла сёянтӧ колӧ ёна пуны? Курччавны? Мыйла усьӧм пинь пыдди вӧчӧм пинь пуктӧны: басла али дзоньвидзалун кутӧм понда?

Петкӧдлӧй картина вылысь, кӧні мортлӧн сьӧлӧм, ты, рушку, мус, сювъяс (кыз сюв, вӧсньыд сюв)? Висьтавлӧй рисунок серти, мый лоӧ рушкуын да сювъясын сёянкӧд?