КЫДЗИ ОВНЫ ШКОЛАЫН, МЕД ВИСЬӦМЪЯС ОЗ ВУДЖНЫ МӦДА-МӦДЛЫ

1. Уна вуджан висьӧмъяс паськалӧны школа пыр, челядь ёна няйтчӧны, дурка видзӧны закодъяс да; дурк закодӧ пыравлігӧн висьӧм вермас веськавны киясӧ, кӧмкот-паськӧмӧ, сідзӧн пырны классӧ. Кыдзик вӧчны, мед школаын гӧгӧр вӧлі сӧстӧм, пельк?

2. Классъясын унаысь овлывлӧ ёна буса. Лолалігӧн сійӧ буссӧ ми ньылалам гырк пытшкӧсӧ. Бускӧд тшӧтш веськалӧны бактерияяс да зэв ӧдйӧ йывмӧдчӧны гырк пытшкӧсын, сы понда вермам висьмыны сьӧкыд висьӧмъясӧн: чахоткаӧн либӧ мукӧд пӧлӧсӧн. Кыдзик школаысь бырӧдны бус?

3. Вуджан висьӧмтӧ челядь вермӧны пыртлыны школаӧ няйт-дурк паськӧмӧн. Кыдзик колӧ вӧчны, мед сійӧ эз ло? Кытчӧ колӧ пӧрччыны вылыс паськӧм? Кыдзи колӧ вӧчны, мед эз вӧв няйт паськӧм, кӧмкот?

4. Кисьтан биа висьӧм паськалӧ тойясӧн. Мый колӧ вӧчны, мед оз паськав школа пыр сійӧ висьӧмыс?

5. Челядь няйт кинаныс инмӧдчылӧны сёян-юанӧ, кӧлуйӧ, чужӧмӧ. Няйт киӧн инмӧдчигӧн вермӧ вуджны висьӧмныс.

Мый колӧ вӧчны, мед школьникъяслӧн киныс некор эз вӧв няйт?

6. Уна висьӧм паськалӧ пузьӧдтӧм кӧдзыд ва юӧмла. Кыдзи эськӧ пузьӧдтӧм васӧ ютӧгыс школаас овны?

7. Вуджан висьӧмысь бурдӧм бӧрын челядь дыр на вермасны паськӧдны висьӧмсӧ мукӧд вылӧ. Врачьяс эськӧ оз тшӧктыны сэтшӧм челядьӧс кутшӧмкӧ кадӧдз ветлӧдлыны школаӧ, да унаӧн оз кывзыны, школаӧ локтӧны водзджык либӧ ывлаын водзджык заводитасны ворсны аскоддьӧмныскӧд, сідзикӧн висьмӧдӧны мукӧд челядьӧс. Кыдзи вӧчны, мед эз ло сэтшӧмыс?

________

Сӧстӧма-ӧ олӧны тіян школаын? Кутшӧма уджалӧ тіян санитарнӧй комиссия?