ШОНДІ

Став мувывса олысьыс кыссьӧ шонділаньӧ. Пуяслӧн медся кузь увъясыс быдмӧны асыввыв бокас. Дзоридзьяс чургӧдчӧны асыввывлань. Пӧткаяс позъясьӧны, ручьяс кодйӧны гунысӧ асыввылӧ банӧн жӧ.

Войся пемыд бӧрын асъя шонді петігӧн став ывлавылыс нимкодясьӧ.

Шонді лечитӧ-ёнмӧдӧ мортӧс. Шонді вынъяммӧдӧ сӧнъястӧ, кучиктӧ, босьтчӧдӧ лолалантӧ.

Аддзывланныд ті чукля ки-кока, ыджыд кынӧма, кельыд челядьӧс? Найӧ сэтшӧмӧсь лоӧны шондітӧминын олӧмысь, тшыкӧм сынӧдӧн лолалӧмысь, омӧля вердӧмысь.

Кыдзи лечитӧны сэтшӧмъяссӧ? — Видзӧны шонді водзын, бур сынӧда инын.