СЫНӦД

1. Босьтӧй ва тыра тасьті, кымыньтӧмӧн пуктӧй сэтчӧ тыртӧм стӧкан. Пырас-оз ваыс стӧканас?

Мед бурджыка тыдалас, ваас пуктӧй пробка. Кымыньтӧм стӧкантӧ пуктӧй пробка весьтас.

2. Кымыньтӧм стӧкантӧ ваас надзӧникӧн дорыньтӧй бок вылас пӧртӧдз. Мый аддзанныд? Пырас оз сэки ваыс стӧканад? Мыйла? Стӧкансьыс петысь вабольясыс — сынӧдыд и эм. Мый эм „куш“ дозмукын?

3. Ва тыра ыджыд тасьтіӧ бок вылас пӧрӧдӧй стӧкан, мед ваыс пырас сэтчӧ. Сэсся босьтӧй пыдӧсӧдыс да надзӧникӧн кымыньӧн кыпӧдӧй, мед стӧкан доръясыс васьыс оз петны.

Киссис эз ваыс стӧкансьыд? Мыйла?

Сынӧдлы колӧ места.