КЫДЗИ ОВЛІСНЫ ПОМЕЩИКЪЯС

Ӧти помещик, Некрасов гижӧд серти, со кыдзи казьтылӧ ассьыныс воддза олӧмнысӧ.

„Олім ми, майбыр, Кристос борд улын моз. Тӧдлісны, ыджыдӧ пуктісны миянӧс быдӧн. Пукалан вӧлі енэжса шонді моз, гӧгӧрыд тэнад деревняяс, вӧръяс, муяс. Керкаясыд гажаысь гажаӧсь садъяс пытшкын, быдлаын флаг ворсӧ. Французъяс весиг оз кужны вӧтавлыны миянлысь праздникъяснымӧс. Праздниктӧ бара огӧ ӧти лун да кыкӧс празднуйтӧ — дзонь тӧлысь гажӧдчам. Оз бара, майбыр, ков немтор ньӧбны некодлысь, медавны дон вылӧ. Пӧткаясыд госаысь госа, винаясыд сулӧдӧма лыдтӧм-тшӧттӧм сикас. Ворсысьыд, гажӧдысьыд кымын. Слуга-казакыд дзонь полк. Пуӧны-пӧжалӧны лун и вой торъя йӧз. Дорччысьтӧ, вӧчасьысьтӧ оз ков медавны. Кыйсьысь-лыйсьысьтӧ кызьӧдз вӧлі видзан. Вӧлі тай, майбырӧй, сэки оландырыд. Морӧс тырнад кокньыда, долыда вӧлі лолавсьӧ. Воча шуысь морт эз вӧв. Кыдз гажыд петӧ, сідзи и олан: кодӧс радейтан, кодӧс и виан. Законтӧ вӧчысьыс ачым, судитысьыс кулакӧй аслам“.

_________

Мыйла нӧ помещикъясыс сэтшӧм озыра вермылӧмаӧсь овны? Уджалӧмаӧсь-ӧ помещикъяс асьныс? Коді нӧ налы сэтшӧм олӧмсӧ лӧсьӧдӧма, кытысь озырлуныс налӧн? Кыдзи видзис помещик крестьянаӧс? Юасьӧй велӧдысьныдлысь, кыдзи помещикъяс крестьянасӧ вузавлісны, виавлісны, лун и вой уджӧдісны? Коді нӧ сэтшӧм законсӧ лӧсьӧдлӧма?