МУЯС ВЕЖСЯСНЫ

Кор няньысь пондісны йӧрмавны, уналаын ССРС-ын крестьяна дугдісны вӧдитны техническӧй культура: хлопок, шабді, подсолнечник, свеклӧ да с. в. Ставныс нянь бердӧ кутчысисны. Сійӧ абу бур. Техническӧй культураяс колӧны жӧ. Няньыд кор тырмымӧн лоӧ, техническӧй культуратӧ бара уна пондасны вӧдитны, сійӧс вӧдитӧмысь ыджыд выгӧда.

Паськаласны плода садъяс садиталӧм, град выв пуктасъяс вӧдитӧм, скӧт видзӧм. Сиктса уджалысьяслы выль доход лоӧ йӧв, яй да кучик вузавлӧмысь. Сиктъясӧ уна сюрс посньыдик заводъяс восьталасны сиктса овмӧс сырьёысь вузӧсъяс вӧчавны. 1933 воын ССРС-са уджалысьяс кык пӧв бура пондасны овны 1913 во серти. Медся нин колхозникъяслӧн олӧмыс бурмас.