КУТШӦМ ЛОӦ СИКТЫД ВИТ ВО МЫСТИ

Витвося план серти вит во помасигкежлӧ ССРС нянь воӧм содас 35 прӧчент вылӧ. Мӧд ногӧн кӧ: кӧні ӧні гектар вылысь босьтлісны 16 центнер нянь, сэні вит во помасиг быд гектар вылысь пондасны босьтны 22 центнер.

Нӧшта кӧдза муыс содас и. Кӧдза муӧн содтысьны унатор отсалас.

Ӧти-кӧ, контрактация. Мый сійӧ сэтшӧмыс?

Контрактация — сійӧ договор, сельскокӧзяйственнӧй кооперация, крестьянаа кост лӧсьӧдчӧм. Кооперация сетӧ крестьянинлы сьӧм, бур кӧйдыс, овлӧ — му-видз уджалан машинаяс и. Крестьянин сы пыдди воӧм няньсьыс мыйкӧ мында юкӧн, лӧсьӧдчӧм серти, сетӧ кооперацияӧ.

Мӧд-кӧ, гӧль да шӧркоддьӧм крестьянаӧс му-видз вотысь кокньӧдӧм.

Коймӧд-кӧ, выль закон серти выль муясысь воддза кык вонас некутшӧм вот абу.

План серти кӧдза му 1932/33 во помасиг содас пӧшти витӧд юкӧн мында 1927 во серти.