ТШАК

„Мунан кӧ вӧр дорті — нырад тшак дукӧн ӧвтыштас“.

Ар. Зэрӧ. Му вылын ни град йӧрын уджавны оз позь. Вундыны — ва; тэчсьыны — кольтаыд уль. Картупель керны оз жӧ позь (мыйла?) Мый керны инӧ? Прӧста овны оз позь. Локтӧ кузь тӧв. Нянь дінӧ ковмас и вӧлӧга. Кытчӧ? — Вӧрӧ, ягӧ, пармаӧ, раскӧ!..

Бабаяс, челядьяс, быдӧн коді вермӧ, чуманӧн, пестерӧн котӧртӧны яг черила — тшакла. Ветлӧдлӧны, горалӧны яг пасьтала. „Э-э-у-у-у!“ юръялӧ лэчыд гӧлӧсныс.

___________

Кутшӧм тшакъяс тіян вӧръясын эмӧсь? Ставыс-ӧ сёян тшак? Кыдзи видзны тшак (солалӧмӧн, косьтӧмӧн) аслыныд сёйны либӧ вузӧс вылӧ? Уна-ӧ вузавлӧны? Донӧн-ӧ? Кытчӧ? Кодлы?