ВӦРАЛӦМ

(Кыйсьӧм)

Гижӧй: кыдзи кыйсьылӧны (гортсянь, чӧс туйсянь, ылі вӧрын)? Кор мунӧны чӧс туйӧ кыйсьыны? Кутшӧм уджъяс эштӧм бӧрын? Кутшӧм пӧткаӧс чӧс туйын кыйӧны? Мыйӧн? Кутшӧм кыйдӧсъяс пӧткалы вӧчӧны?

Ылын-ӧ тіян чӧс туйныд (кымын километр сэтчӧдз)? Кыдз ветлӧны сэтчӧ (подӧн, вӧлӧн, пыжӧн)? Кыдзи локтӧны (нортӧн)? Кыдзи шусьӧ местаыс? Кутшӧм ю бокын, ты дорын? Кодарланьын гортсяньныд (асыввылын, войвылын, рытыввылын, лунвылын)?

Кодарсалӧн чӧс туйяс эмӧсь тіянкӧд межаын? Ыджыд-ӧ кытшолыс чӧс туйныдлӧн (кымын километр)? Кымын вӧр керка тіян чӧс туй вылын? Кутшӧм вӧра: парма, рас, яг, егыр, нюр, сускина? Кодкӧ, гашкӧ, ті ветлывлінныд нин чӧс туйӧ? Гижӧй, коді ветлывліс либӧ кывлывліс айыслысь, чожыслысь, вокыслысь висьталӧм кыйсьӧм йылысь.

Кор заводитӧны ур кыйны? Мыйла водзджык оз? Урлӧн кутшӧм гӧныс гожӧмын? Арын? Тӧлын? Кутшӧм гӧна ур медся дона?

Уна-ӧ ур тіян кыйлӧны арся вӧрын? Тувсов вӧрӧ ветлігӧн?

Вӧчӧй со кутшӧм пасйӧд да гижалӧй сэтчӧ ассьыныд став прӧмыс вӧчӧмсӧ.

Кыйӧм:

Дорвыв ног	Кутшӧм прӧмыс	Уна-ӧ (лыд)	Мыйӧн ӧтикыс, ш.у.	Мый дон ставыс, ш.у.
1	Ур ку
2	Кӧч ку
3	Сьӧла
4	Сьӧдбӧж
	с. в.

Рӧскод:

Дорвыв ног	Кутшӧм рӧскод	Уна-ӧ	Мый дон, ш. у.
1	Порок
2	Дрӧб
3	Свинеч
4	Нянь
5	Пищаль
	с. в.

Арталӧй сэсся воӧмсӧ.

Кымын кыйсьысь крестьянин тіян сиктын? Кымын Коми обласьтын? (Корсьӧй гижӧдъясысь).

Кыйлӧны-ӧ тіян йӧра? Позьӧ оз? Мыйла оз?

Кытчӧ колӧ прӧмыстӧ вузавны? Мыйла кооперативӧ медбур?

Кытчӧ нӧ нуӧны прӧмыссӧ?

Мый сы пыдди миянлы вайӧны?

Рисуйтӧй став пӧлӧс зверсӧ, кутшӧмӧс тӧданныд, улысас гижӧй вӧр керка, кыйсянторъяс, лызь, норт.