МАТКА

Бара ӧшӧдӧй магниталӧм емтӧ сунис йылӧ, шӧрӧдыс кӧрталӧмӧн. Виччысьӧй вӧрӧмсьыс дугдӧмсӧ. Сэсся бергӧдӧй ӧтар помӧдыс. Видзӧдӧй, кыдзи сувтас емыд. Вӧчӧй тадзи пӧлысь, мӧдысь. Кодарӧ чургӧдчасны магнитыдлӧн помъясыс?

Емтӧ кӧ бура магниталӧма, ӧтар помыс век пондас бергӧдчыны войвылӧ, мӧдарыс — лунвылӧ. Войвыв чургӧдчӧм помыс шусьӧ магнит войвыв полюсӧн, мӧдарыс — магнит лунвыв полюсӧн.

Сынӧдті лэбалігӧн, море вывті кывтігӧн туйтӧ сьӧкыд казявныд. Сэки колӧ тӧдны, кодарын воӧдчан местаыс: войвылын-ӧ, асыввылын-ӧ, сідз водзӧ. Мунан туйсӧ индӧ магнит. Мед лӧсьыдджык вӧдитчыны, магниттӧ пысалӧны ыргӧн ёсь йылӧ, сэсся йӧршитӧны стеклӧӧн вевттьӧм гӧгрӧс дозйӧ. Сійӧ и лоӧ маткаыд.

__________

Кодарӧ визувтӧ юныд тіян дінті?

Кодарӧ мунӧ мир туй?

Кодарӧ сиктсяньыд видзьясныд?

Вошанныд кӧ вӧрын да асьныд тӧданныд лунвылын али кодарын гортныд, кыдзи эськӧ матка серти локтанныд гортаныд (шондітӧм дырйи)?