ВАРТӦММуртса кыа нырсӧ мыччас, Гажмас миян гумладор... Нолтӧ ёнджык жбуткы дінас... Кольта вӧньыд эз на ор! Нёльлӧн жвучкӧ вартан шыыс — Кудель кодьӧдз небзьӧ дін. Шӧри орӧ кольта йылыс, Бусӧдз чирссьӧ йики йыв. Тірзьӧ кольта вартан улын... Менам трангӧ мыйкӧ чап, Сэсся кӧвйыс коли гумйын... „Чапыс поті“, шуӧ бать: „Вай нӧ шойччӧй вуригкості“. Мамӧ идсӧ куртіс шодз. „Идйыс, идйыс!.. Волӧй видлӧй!.. Чурти-бурти анькытш кодь“.
