КЫДЗИ ЮКНЫ ШКОЛАСА ӦТУВЪЯ УДЖ

1. Сёрнитӧй велӧдчысьяс собранньӧ вылын, мый колӧ вӧчны, медым школаса уджыд гылыдджыка муніс.

2. Пасъялӧй став колан уджсӧ.

3. Юксьӧй кымынкӧ морта комиссияясӧ. Комиссияясыслы пукталӧй нимъяс.

4. Школаса став уджсӧ юклӧй комиссияяс костас. Ӧти комиссия вермас сӧстӧма олӧм бӧрся дӧзьӧритны, мӧд — велӧдчан кӧлуйяс разӧдны да чукӧртны, сідз водзӧ.

5. Торъя комиссияяслысь уджсӧ бара позьӧ юклыны. Шуам, „велӧдчан кӧлуйяс разӧдысь-чукӧртысь комиссия“ вермас уджсӧ юкны тадзи: ӧти морт разӧдӧ да чукӧртӧ тетрадьяс, мӧд — ручкаяс, коймӧд — чернила, нёльӧд — дӧска дорӧ мел да ветьӧк лӧсьӧдӧ, витӧд — велӧдчан кӧлуйсӧ видзан шкапӧн заведуйтӧ.

6. Ӧтчыд либӧ кыкысь быд тӧлысь чукӧртлывлӧй став комиссияяслысь собранньӧ. Висьтавлӧй, кодлы мый сьӧкыд вӧчны. Сёрнитӧй, кыдзи уджсӧ бурджыка пуктыны.