НЕБЫД СЫВЪЯД ШЕДА

Менӧ тэлань исковтӧдысь вын
Асыкаліс вежӧрӧс и лолӧс.
Ме ӧд весиг мӧвпыштны эг лысьт,
Ыштӧ шудыс овлӧ сэтшӧм уна!
Тэнад синмысь сайласьны ог кут,
Мед и лолӧс пыдзыртӧмӧн колян.
Ме нин тэтӧг овнысӧ ог куж
Сэтшӧм мелі шыа арся лӧняс.

			А саридз гысянь кыдзи чикчи борд,
			Пым киыд качас мелань, муса морт!
			Ме чужӧмбанӧ инмас тӧвру моз —
			И небыд сывъяд шеда помӧдз.
			Кор тэкӧд орччӧн, юрысь вошлӧ скӧнь,
			Мый вӧчлі, кодкӧд, дыр-ӧ олі, кӧн...
			И ёвксьӧ сьӧлӧм — сывдӧ морӧс куд:
			Тэ сьӧлӧм дінӧ лэбны кӧсйӧ.

Меным муслун туналӧм оз ков.
Тэкӧд вунас, мыйӧн тэӧдз олі.
Сьӧлӧм лӧняс, вочавидзан кор:
«Видза олан, сьӧлӧмшӧрӧй менам!»
А кор мелі сывъясьӧмысь пӧт,
Шуда унмӧ усян менам киын,
Вушъяс помӧдз воддза олан сер —
Тэнад узьӧм лоӧ медся дона.

			А саридз гысянь кыдзи чикчи борд,
			Пым киыд качас мелань, муса морт!
			Ме чужӧмбанӧ инмас тӧвру моз —
			И небыд сывъяд шеда помӧдз.
			Кор тэкӧд орччӧн, юрысь вошлӧ скӧнь,
			Мый вӧчлі, кодкӧд, дыр-ӧ олі, кӧн...
			И ёвксьӧ сьӧлӧм — сывдӧ морӧс куд:
			Тэ сьӧлӧм дінӧ лэбны кӧсйӧ.

(Ворсӧ шылад.)

Кор тэкӧд орччӧн, юрысь вошлӧ скӧнь,
Мый вӧчлі, кодкӧд, дыр-ӧ олі, кӧн...
И ёвксьӧ сьӧлӧм — сывдӧ морӧс куд:
Тэ сьӧлӧм дінӧ лэбны кӧсйӧ.