ЙӦЗ МУЫН

Восьті ӧшиньӧс ме. Лои гажтӧм, зэв шог...
Уськӧдчи пидзӧсчань, ӧшинь дор гырддзавыв лэччи...
Мем паныдӧн ӧвтыштіс тувсовъя вой,
Чӧскыд дзоридз кӧр чужӧмӧ вачкис...
Кӧнкӧ зэв гажа сьыліс сэк дзоляник кай —
Колипкай сьӧлӧмсьыс дугдывтӧг дзользис...
Норми ме сьӧлӧмӧн — пытшкӧсӧй вӧрзис,
Эг вермы кутчысьны — синваӧн бӧрддзи…

***

Сідзикӧн сьылӧмнас гажтӧмтчысь кайыс
Горт йылысь думъяс мем вайис.
Унатор син водзӧ уськӧдіс мем:
Тувсов вой, льӧм дзоридз кӧр...
Тадзик жӧ кӧнікӧ, войвылын ылын,
Войбыд дзик колипкай льӧм кустын сьылӧ...