МЫЙЛА?

Кӧсъя ме тӧдны зэв уна,

Тӧдтӧгыд овны оз позь мен...

Мыйла Печораным-юным

Воысь во ляпкалӧ-косьмӧ? | Кыкысь

Мыйла нӧ гудырмис ваыс?

Мыйла нӧ чериыс чиніс?

Менӧ тшӧтш шогӧдӧ таысь,

Менам тшӧтш сьӧлӧм оз инас. | Кыкысь

Коркӧ тан тшем вӧлі вӧрыс,

Тадзи мен висьтавліс пӧльӧ,

Уна пӧ вӧлі, но тӧрис —

Ӧні тан тӧв нырлы вӧля. | Кыкысь

Дзоля на ме, а Печора

Ыджыд да джуджыд век вӧвлӧм.

Гырысьлысь воча кыв кора,

Бӧр медым инасяс сьӧлӧм. | Кыкысь