ПАРАКОД

Кывтӧ-буткӧ паракод:

— У-у-у! Пуксьӧй, коді кӧсйӧ!

— Паракод, паракод, менӧ пуксьӧд!

— Коді тэ?

— Ме дзодзӧг, нуа мырпом.

— Пуксьы! — горӧдіс паракод.

— Паракод, паракод, менӧ пуксьӧд!

— А тэ коді?

— Ме сюзь, нуа шыр.

— Пуксьы! Ы-ы!

— Ме сизь, нуа коз коль.

— Ме катша, нуа чери.

— Ме руч, нуа чипан.

— Ме мой, нуа пипу корӧсь.

— Ме йӧра, нуа яла нитш.

— Ме вӧркань, куті тар.

— Ме чужмӧр, нуа пӧтка.

— Ме визяорда, нуа тшак.

— Ме мушыр, нуа зӧр тусь.

— Ме ур, нуа сёркни.

— Ме ош, нуа чӧдлач.

— Ме кӧин, ставнытӧ сёя.

Котӧртӧны пемӧсъяс руз-раз.