ТЫРТӦМ ЮКМӦС

Миянсянь туй мӧдарын оліс Назар Саньӧ. Ӧтчыд миянӧ локтіс да юалӧ батьӧлысь:

— Кӧч Вась, вайлы меным чепнятӧ, ва кӧсъя. Войт абу. Пач ломті, картупель пукті пуны, ӧшинь ворйысь паньӧн васӧ сӧвті да.

— Саньӧ, тэнад ӧд юкмӧсыд кильчӧ помад. Сета чепнятӧ да унджык лэпты дай, — шуӧ бать.

— Василей дядь, миян юкмӧсыс кильчӧ помын косьмӧма, няйтыс сӧмын кольӧма, — вочавидзис Саньӧ.

— Но, сё дивӧ. А туйдорса юкмӧсыс абу жӧ ӧд косьмӧма?

— Абу. Сэні ваыс уна, — висьталіс Саньӧ.

— Сійӧ юкмӧссьыс асладӧ васӧ ваяв. Тэныд нинӧм вӧчны, век нин удж.

— Сідз и вӧча. Ваявны и лоӧ, — босьтіс чепня да кутіс ваявны васӧ аслас юкмӧсӧ.

Саньӧ видзӧдліс, а юкмӧсас ваыс оз сод. Копыртчис и аддзӧ: гӧрд петук юкмӧссьыс васӧ юӧ.

— Но, сё мокасьт! — горӧдіс Саньӧ. — Мый нӧ сэні петук вӧчан!

— Ва юа, медым ог вӧй, — горӧдіс петук. Ачыс нин ыджыд пельса кодь лоӧма.

— Ноко, пет сэтысь! — горӧдіс Саньӧ.

— Ог вермы. Уна нин юи да сьӧкыд лои. Лэпты! Чепнятӧ лэпты!.. — горзӧ петук.

Назар Саньӧ лэдзис чепнятӧ да и лэптіс петукӧс.

— Ок, ок, ок! Кӧдзыд ватӧ юи да кынми. Кыдз бара ки-ку-рульсӧ кута горзыны-а, — шогсьӧ петук.

— Лок ме ордӧ, — жалитіс петуктӧ Саньӧ. — Менам вольпасьӧй чипан гӧнысь, сэні ӧдйӧ шоналан.

Водісны Саньӧ петуккӧд вольпасьӧ да и унмовсисны. А кор садьмисны... вольпасьыд ставыс ва. Петукыдлӧн нырӧдыс став ваыс виялӧма. Саньӧ горзӧ:

— Тэ, петук, вольпасьӧ исялӧмыд!

— Ме некор ог кудзась! — горзӧ петук.

Ӧшӧдіс Саньӧ вольпасьсӧ потшӧс вылӧ. Батьӧ аддзис да шензьӧ:

— Саньӧ вольпасяс кудзалӧма!..