ТӦЛЫН

Небыдик шебрасӧн
Шонтысьӧ муыс,
Зэв еджыд эшкынӧ
Пӧрӧма куыс.

Кӧдзыдыс трачкӧдчӧ
Стенын да стынйын.
Кок улын дзуркӧдчӧ
Шавъялан лымйыс.

Пукси ме батьӧкӧд
Карколы доддьӧ,
Юковтім суседкӧд
Пармаӧ-вӧрӧ.

Гырысьяс вӧчӧны
Сортовка керъяс.
Дзижгӧны-швачкӧны
Пилаяс, черъяс.

Лым вылӧ бурскысьӧ
Мича кыз пожӧм.
Кералам увъяссӧ,
Уджалам чожа.

Бергӧда Каркоӧс,
Лӧсьӧда доддьӧс.
Пуктасны керъяссӧ,
Тыртасны доддьӧс.

Йи туйяс лӧсьыдӧсь,
Гольксьӧдам — мунам.
Кык-куим керъясӧдз
Каркокӧд нуам.

Катищӧ воас да,
Сӧмын нин йӧткышт.
Ӧ, Карко, тыртӧгыд
Ӧдйӧ бӧр рӧдтышт!