ЧУКСАСЯН КАД

Олісны-вылісны петук чипанкӧд.

— Ки-ку-руллю, чеччы, чипан! Ӧшиньӧд тӧлысь пырӧма! Вай ӧшиньсӧ пӧдлалам да бӧр тӧлысьсӧ огӧ лэдзӧ. Мед ми ордын олӧ.

Югыд лои лун и вой. Петук чуксасьны вунӧдіс. Шогсьӧ петук: «Ки-ку-руллю окота горӧдны, да кадсӧ ог тӧд».

— Чипан, чипан, гашкӧ, кад нин чуксасьны?

— Ог тӧд.

— Гашкӧ, пажнайтан кад нин?

— Ог тӧд.

Тӧлысь и шуӧ:

— Лэдзӧй менӧ бӧр, ме та пыдди войнас кута ӧшиньӧдыд пыравны, а луннас шонді пыралас. Чуксасян кадтӧ кутан тӧдны.

И лэдзисны тӧлысьӧс.