ГЫЖ КАМПЕТ

Оліс-выліс Чибӧ. Муніс ӧтчыд сійӧ вӧрӧ. Паныд Кӧинпи.

— Чибӧ, Чибӧ, ме тэнӧ сёя, — шуӧ Кӧинпи.

— Сёй, колӧкӧ, — шуӧ Чибӧ. — Тӧдан кӧ, кысянь колӧ сёйны. Кӧні менам медся чӧскыд кампетыс. Колӧкӧ, петкӧдла.

— Петкӧдлы, — шуис Кӧинпи.

— Со, видзӧдлы бӧръя кок гыж улӧ, гыж улас и эм чӧскыд кампетыс.

Матыстчис Кӧинпи бӧръя кок дінӧ, копыртчис видзӧдлыны, а сійӧ кыдз тай чужъяс Кӧинпилы ныр-вомас... Кӧинпи ойӧстіс да уси гатш.

— Но мый?! Нӧшта кӧсъян кампет сёйны? — юаліс Чибӧ.

— Ог, пӧті... — омлялӧмӧн пышйис Кӧинпи.