КӦЧИЛЬӦЙ ЛЭБАЛӦ

Котралӧ Кӧчильӧй эжа вывті, а енэжас Гулю лэбалӧ, Кӧчильӧс чуксалӧ.

— Кӧчильӧй, кӧчук! Кыпӧдчы енэжас, ӧтлаын лэбалам!

— Менам бордъясӧй абуӧсь! — горӧдіс Кӧчильӧй.

— Кор кодлыськӧ, со Курӧглы, буракӧ, оз ков.

Кӧчильӧй матыстчис Курӧг дорӧ.

— Курӧг, Курӧг, удждыв ассьыд бордъястӧ, лэбалышта да бӧр сета.

— На, меным абу жаль. — Сетіс Курӧг бордъяс. Кӧрталіс Кӧчильӧй лапаясас бордъяс, швач-швач бордъяснас и лэбис, сӧмын эз дыр, шмоткысис турун вылӧ.

— Дырджык кӧ лэбала, велала, — мӧвпалӧ Кӧчильӧй.

Аддзис сійӧс Варыш да шуӧ:

— Кӧсъян, ме велӧда тэнӧ лэбавны. Вылӧ-вылӧ кыпӧда да и лэдза. Сэк и велалан. Кӧчильӧй сӧгласитчис.

Кыпӧдіс Варыш Кӧчильӧс вылӧ-вылӧ да, буракӧ, лэдзис. Кӧчильӧй ӧнӧдз на эз пуксьы му вылӧ. Пыр кӧнкӧ лэбалӧ. Велаліс.