МУР-БУР

Миша велӧдчӧ шыпасъяс гижны тетрадьӧ. Пидзӧс вылас куйлӧ Каньпи.

— Мый нӧ гижан? — юаліс Каньпи.

— Шыпасъяс гижны велӧдча.

Сы кості Мишаӧс ёртыс корис ывлаӧ исласьны. Миша тетрадьсӧ колис пызан вылӧ восьсӧн, котӧртіс ывлаӧ. Чеччыштіс Каньпи пызан вылӧ, пуксис тетрадь вылӧ да кутіс тшӧтш шыпас гижны гыжнас. Чапыштас, нюлыштас тетрадьсӧ да шуӧ: «Мур-бур». Став шыпассӧ Мишалысь сідз велӧдіс «Мур-бур», мӧд шыпас сылӧн эз вӧв. Миша ывлаысь локтіс да шензьӧ:

— Коді тетрадьсӧ лякис, косявліс?

— Ме шыпас велӧдчи гижны. Ставыс «мур-бур».