КЫЧИ ГӦСТЬ

Надюклӧн вӧлі Мурук нима кань. Кань Мурук асылын мыссьӧ. Мамыс Надюклӧн шуӧ:

— Гӧсть локтас, со Мурукыд мыссьӧ.

Сӧмын шуис, пырис кыськӧ Кычи да шуӧ:

— Ме тіян гӧсть. — Мурук дозйысь кутіс сёйны мый сэні вӧлі, ставсӧ нюліс. Надюк содтӧ, а Кычи быттьӧ пыдӧстӧм пестер сёйӧ и сёйӧ. Коркӧ и пӧтіс да шуӧ:

— Ме тіянын овны кута.

Мурук скӧрмис да горӧдіс:

— Ещӧ мый? Меным татшӧм гӧстьыд оз ков! Уськӧдчис Кычи вылӧ да кыдз чапыштас сылысь ныр-вомсӧ. Овӧстіс Кычи да бӧр пышйис.