ШОНДІЛӦН УДЖЪЯСЫС

Ичӧт детина юасьӧ батьыслысь, кытчӧ нӧ пӧ вой кежлас шондіыс вошлӧ? Бать шуӧ:

— Шойччӧ, пиӧй, шойччӧ.

Ичӧт пи оз ӧвсьы:

— Мудзӧ ӧмӧй сійӧ весь олігас?

Бать шуис:

— Чӧв, кутшӧм весь олӧм. Сылы колӧ быдлаӧ вевъявны. Лунтыр коньӧр шойччӧг оз тӧдлы: колӧ няньӧс, дзоридзьясӧс быдтыны, воӧдны, мазіясӧс, лэбачьясӧс вердны, турунъяс косьтыны — отсавны чукӧртны веж турун, кымӧръяс чукӧртны да зэрны. Сывдны джуджыд слудаяс вылысь лым да ещӧ унатор на.