МАЛЯЗІА-ДЗОРИДЗА

Поводдя мича. Ӧшинь улын быдмӧны чӧскыд дука дзоридзьяс. Эстӧн, керка бокын, сулалӧ ичӧтик дзоридз. Дзоридзлӧн паськӧмыс зэв мича шонді дзирдалігӧн. Талун шонді оз дзирдав, енвевт кымӧра. Сы понда дзоридз абу гажа.

Матын ызгӧ зіль малязі. Дзоридз шуӧ малязілы:

— Тэ лэбалан, тэныд сэтшӧм гажа, кӧть шондітӧм, енэжыс кымӧра, ывлаыс кӧдзыд.

— Гажа, — малязі шуис дзоридзлы.

— Ме виччыся жӧ, — шуӧ дзоридз: — сӧмын гажтӧм пӧра ньӧжйӧн кольӧ.

— Лоан кӧ ме кодь зіль, — шуӧ малязі: — сэки пӧра лоӧ дженьыд.

Зільны гажа, кӧть и абу шонді, кӧть и енэж кымӧра.