СЮ ӦЗИМ БЫДМӦМ

Васюклӧн батьыс арнас му вылӧ кӧдзис сю. Арся руа кӧдзыд васьыд му пытшкын шы ни тӧв быдмӧ сійӧ. Коркӧ ӧти асылӧ мыччысьӧма му пасьтала гӧрдов тшӧть. Лунысь лунӧ быдмӧ, вежӧдӧ гӧрд тшӧть му вылын.

Воис тӧв. Лымйӧн тыри веж ӧзим. «Джуджыд лым — уна нянь», — шуӧ гӧрысь-кӧдзысь.

Ӧні воис шоныд тулыс. Лым сылі. Му косьмис. Ӧзим вежӧдӧ, кыпӧдчӧ. Коркӧ ӧзим пӧкйӧ воис, пемдіс, шептасьны мӧдіс. Абу тай кынмӧма тӧвнад, абу ойдлӧма тулыснад, гагъяс абу сёйӧмаӧсь ни.

Сю розъялӧ, гӧрысь-кӧдзысь мӧвпалӧ: «Мед эськӧ оз жӧ ыджыд тӧв пет, бара кисьтас став дзоридзсӧ, шептыд тыртӧм лоӧ и, няньтӧм лоам».

Полігтырйи унаысь видзӧдлас пуяс вылӧ, оз-ӧ лэптысь тӧв ныр.

Сю вижӧдӧ нин. Гӧрысь-кӧдзысьыдлӧн сьӧлӧмыс оз инасьлы, мӧвпалӧ: «Мед эськӧ шер оз жӧ жугӧд няньнымӧс, мед эськӧ лёк зэр оз жӧ уськӧд сютӧ, мед эськӧ оз жӧ вевйӧ вӧтлы. Тадзи пыр тулыссянь сёр арӧдз тӧждысьӧ, шогсьӧ нянь вӧсна, кытчӧдз оз идрав.