ГОЖӦМ

Гожӧмын лун-лун оз бырлыны вадорысь челядь. Ёна жӧ вадорыд налы муса. Тонӧ со куйлӧны, луасьӧны, корсялӧны куль чуньяс; мича изъяс водз тырныс нин сӧвтӧмаӧсь. Со Сергей да Ӧльӧ вугыр-шатинаӧсь, туисаӧсь локтӧны. Сергейлӧн вомыс весьт оз топав нимкодьысла: ӧти киас туис, мӧдарас — вель ыджыд ляпа пи шедӧма, — петкӧдлӧ быдӧнлы. Мӧдлапӧлас лыа бӧжас кылӧ челядьлӧн горзӧм. Черияс моз гыбалӧны, суналӧны.