ВӦРӦ

Асывводз шондіӧй 
Садьмӧдіс менӧ:
— Мунам пӧ вӧр пӧвстӧ! —
Вашнитіс пельӧ.
— Шондіӧй, код нӧ сэн 
Виччысьӧ менӧ?
— Мичлуныс вӧр пулӧн 
Виччысьӧ тэнӧ.
— Шондіӧй, кӧн нӧ сэн, 
Мудза кӧ, шойчча?
— Вӧрын сэн мыр вылын 
Бура тэ шойччан.
— Шондіӧй, кодкӧд нӧ
Сэні ме сёрнитны кута?
— Шоръяскӧд, ёльяскӧд 
Тольӧдчышт, пиӧ.
— Шондіӧй, код нӧ мем 
Сьывнысӧ пондас?
— Дзользьӧмыс пӧткалӧн 
Сьӧлӧмтӧ шонтас.
Асывсянь ми рытӧдз 
Шондіанкӧд ветлім. 
Копрасисны пуяс 
Миян юръяс весьтын.