ВОЙДӦР — УДЖ, БӦРЫН — ГАЖ

Пызан сайын пукалӧ детина. Зэв зіля велӧдӧ урӧк. Тувсов мича лун кыскӧ сійӧс ывлаӧ. Югыд шонді ӧшиньӧ пырӧма, падмӧдӧ тшӧтш. Чож детина чорыда дум кутӧ: «Помала пӧ войдӧр аски кежӧ урӧк, вӧлисьти пета». Зільджыка босьтчис сійӧ нига сайӧ. Ӧшинь сайын, кыдз пу вылын кылӧ: зэв гораа да мичаа сьылӧ лэбачпи. Детина шуӧ: «Ог жӧ пӧ нин эновтчы, регыд нин помала, дай вӧлисти пета». Лыддьысьӧ велӧдчысь, оз тэрмась. Гижис на дай. Эштӧдіс ставсӧ. Нига-тетрадь кӧшӧльӧ сюйис, сэсся ӧшӧдіс тув йылӧ, уськӧдчис йӧрӧ. Сэні шонді ворсӧ, лэбачпи сьылӧ, дзоридзьяс дзирдалӧны-сералӧны. Удж бӧрын детина долыда гажӧдчис ывлаын рытӧдз.