ШКОЛАЫН

Челядь школаын асьныс оласног лӧсьӧдісны. Васюклӧн велӧдчысь ёртъясыс кодсюрӧ зэв вильышӧсь вӧліны. Морт нёль-вит став школанас бергӧдлісны. Уна ног пакӧсьтитчисны, велӧдысьыслы дӧзмӧдчисны. Посниясӧс ӧбӧдитісны, нӧйтісны, матькисны-ёрччисны. Медбӧрын быдӧн ёртъясыс на вылӧ скӧрмисны.

Ӧтчыд став школа чукӧртчис сы йылысь сёрнитны, Васюкӧс бӧрйисны юралысьӧ. Мед ставныс оз ӧтпырйӧ висьтавны, сійӧ тшӧктіс ӧтикаӧн сёрнитны. Кор быдӧнлӧн сёрнитчис, Васюк ки лэптӧмӧн тӧдмӧдаліс, кодлы мый колӧ. Кодъяс оз наян зонпосни дор овны, ки лэпталісны. Унджыкыс Васюк дор шуисны, мед школаын косясьӧм, ёрччӧм, пинясьӧм, пакӧсьтитчӧм эз вӧв. Коді кутшӧм пакӧсьт вӧчас, аслыс идравны справитны. Бӧрйисны куим мортӧс тайӧ шуӧм серти олӧмсӧ нуӧдны, видзӧдны. Коді оз кут кывзыны, найӧс лыддьыны шогмытӧм йӧзӧн, ворсӧмысь накӧд дугдыны.