ГӦРЫСЬ

Со тонӧ, му вылын батьӧ гӧрӧ. Гӧрбыльтчӧмӧн лэччысьӧма кияснас гӧр вылас. Гӧрйыс пыдіті мунӧ, джуджыд бӧрӧзда кольӧ бӧрвылас. Надзӧникӧн восьлалӧ Карко, кыскӧ гӧр. Батьӧ пӧсялӧма ёна, буракӧ, абу гӧрӧмыд кокни удж. Карколы, тыдалӧ, абу жӧ кокни: мунас-мунас дай сувтыштлас. Гӧрысь тӧдӧ сылысь мудзӧмсӧ: оз тэрмӧдлы, сетӧ шойччыны. Ӧти бӧрӧзда кост помасяс да, шойччыштасны, сэсся бара водзӧ.