ЮРСИГУЫСЬ ДА ГУТ

Шор дорын, нюдз бадь ув вылын, довъялӧ юрсигуысь. Аслас мича бордъяснас ошйысьӧ, пӧртмасьӧ. Кынӧмыс кӧ сюмалас, лэбиг моз гутъястӧ, гебъястӧ ньылалӧ. Со, орччӧн сыкӧд пуксьӧма ичӧтик гут, юасьӧ: «Абу яндзим тэныд? — гутъясӧс сёян: миянлы, гутъяслы, тіянлы моз жӧ, гаж петӧ овны».

Юрсигуысь мылькъя гӧгрӧс синсӧ паськӧдӧма, шуӧ: «Забыль эськӧ, дзоляӧй, ме тэнӧ ог сёй да, ог тай куж сэсся мукӧдторсӧ сёйныс-а».

Юрсигуысь кутіс гутӧс, кӧсйӧ ньылыштны... Друг кодкӧ асьсӧ кутіс. Вӧлӧмкӧ, чикыш асьсӧ кутӧма.

Юрсигуысь кевмысьны кутіс: «Чикышӧй, чикышӧй, жалитышт менсьым том мичалунӧс, эн сёй!»

— Дерт, эськӧ да, меным ӧд сідз жӧ тшыгъявны лоӧ челядьӧйкӧд тэнад мичалун вӧсна.