КУЗЬ-Ӧ ПУЛӦН НЭМЫС

Пуяс олӧны ёна дыр мортъяс дорысь. Шоч мортыс миян 90 арӧсӧдз олӧ. Пуясыд весиг вой вылын олӧны 200, 300, 400, 500 воӧдз. Сюрлӧны сюрс воысь дырджык олысь пуяс.

Польшаын вӧлі ӧти морт пӧрӧдӧма гыркса тупу.

Вогӧгӧрса гӧгыльсӧ лыддьӧмаӧсь 750-ӧс. Пу пытшкыс зэв ёна сісьмӧма да, ставсӧ лыддьыны абу позьӧма.

Арталӧмаӧсь да, сюрс воысь пӧ дырджык нин олӧма. Миянлы вывті нин тайӧ пуыд ыджыд кажитчӧ. Лунвывса шоныдінса пуяс дінад тайӧ тупуыд челядь кодь на лоӧ.

Войвыв Америкаын вӧлі пӧрӧдӧмаӧсь ӧти пу вит сыв кызаӧс. Тайӧ пусӧ дзонь артель йӧз кералісны квайт вежон чӧж. Усьӧм шыыс кылӧма сизим верст сайӧдз. Мырсӧ шыльӧдӧмаӧсь да, дас нёль гоз морт йӧктыны тӧрлӧмаӧсь.

Со кутшӧм пӧрысь гырысь пуяс эмӧсь му вылын.