ПУЛӦН БЫДМӦМ

Пу быдмӧ зэв надзӧн: воысь воӧ джудждӧ, кызӧ паськалӧ. Сёян-юан босьтӧ: вужъяснас муысь, коръяснас сынӧдысь. Пулӧн став колан сёян-юаныс муын, эм мыйсюрӧ воздукын. Мупытшса сёяныс кайӧ вылӧ, коръясӧдзыс, сэні воздука сёяныскӧд найӧ паныдасьӧны. Сэсся сійӧ сёяныс выльысь лэччӧ, пу кузя, кырся-пуа костӧдыс. Сэтысь содӧ гӧгӧрыс шуль пласт быд во. Шуль сертиыс тӧдӧны пулысь нэм.

Сійӧ сёян сывсьыс ар кежӧ чукӧрмӧ сёян; сэтысь пуяс вылӧ артмӧ гар. Тӧвбыд гар олас. Тулысын, мыйӧн шондӧдны кутас, гар паськалӧ корйӧ, петӧны выль увъяс, мукӧдысь артмӧны дзоридзьяс, кӧйдысъяс, вотӧсъяс.