ПЫШКАЙ

І.

	Пемыд вӧрын, 
	Вӧр сайын,
	Писькӧдам ми 
	Сэтчӧ туй.
	Сэсся гӧрам, 
	Гӧрам му.
	Сэсся кӧдзам 
	Шабді пыш.
	Велаліс тай
	Пыш гуысь.
	Пыш пиянным,
	Веж пиянным
	Лэбавны,
	Пышсьыным дай
	Кӧнтусьсӧ дай
	Кокавны.
	Час ми сійӧс 
	Кыйыштам, 
	Бордъяс, гӧнъяс 
	Нетшкалам.
	Сэки оз кут,
	Сэки дугдас 
	Лэбавны, — 
	Пышлысь кӧнтусь 
	Кокавны.

ІІ.

Челядь: Дзоньвидза тэ, Кума?
Кума: Дзоньвидза, бобушъяс!
Челядь: Кӧн тэнад пышкайыд?
Кума: Гортын, мусаяс.
Челядь: Мый нӧ сійӧ керӧ?
Кума: Висьӧ, коньӧр, куйлӧ:
	Висьӧ сӧмын кок пыдӧс.
Челядь: Ветлы, Кума, йӧрӧ-борйӧ
	Бурдан турун сэтысь бӧрйы — 
	Пывсьӧд сылысь кок пыдӧс.
Кума: Пывсьӧді, мусаяс,
	Пывсьӧді, донаяс;
	Оз отсав и пывсьӧдӧм,
	Сӧмын ёнджык висьмӧдӧ.

ІІІ.

Челядь: Дзоньвидза тэ, Кума?
Кума: Дзоньвидза, бобушъяс!
Челядь: Кӧн тэнад пышкайыд?
Кума: Гортын, мусаяс.
Челядь: Мый нӧ сійӧ керӧ?
Кума: Висьӧ, коньӧр, куйлӧ:
	Висьӧ сылӧн пельпомъяс.
Челядь: Ветлы, Кума, йӧрӧ-борйӧ,
	Бурдан турун сэтысь бӧрйы — 
	Пывсьӧд сылысь пельпомъяс.
Кума: Пывсьӧді, мусаяс,
	Пывсьӧді, донаяс;
	Оз отсав и пывсьӧдӧм,
	Ёнджык сӧмын висьмӧдӧ.

ІV.

Челядь: Дзоньвидза тэ, Кума?
Кума: Дзоньвидза, бобушъяс!
Челядь: Кӧн тэнад пышкайыд?
Кума: Гортын, мусаяс.
Челядь: Мый нӧ сійӧ керӧ?
Кума: Висьӧ, коньӧр, куйлӧ:
	Висьӧ сылӧн кынӧм.
Челядь: Ветлы, кума, йӧрӧ-борйӧ,
	Бурдан турун сэтысь бӧрйы — 
	Пывсьӧд сылысь кынӧм.
Кума: Пывсьӧді, мусаяс,
	Пывсьӧді, донаяс;
	Оз отсав и пывсьӧдӧм,
	Ёнджык сӧмын висьмӧдӧ.
Челядь: Пышкайлӧн тай лэбавсис,
			лэбавсис.
Шонді банлӧн лэбавсис,
			лэбавсис.
Кӧнтусьнымӧс кокавсис,
			кокавсис;
Ичмоньясӧс вӧрӧдсис,
			вӧрӧдсис;
Мича нывъясӧс дӧзмӧдсис,
			Дӧзмӧдсис.