ТУЛЫС ВОӦ

Тулыс воӧ Коми муӧ,
Гажа, шоныд тулыс.
Бара шогыд сэні бырӧ, —
Кӧдзыд тӧлыд мунас.

Сэки шоныд выль зэр мыськас 
Коми муысь сьӧдсӧ;
Югдӧдас сэк асъя кыа 
Пемыд Коми йӧзсӧ.

Визув Эжва Коми йӧзлысь
Кылӧдас сэк шогсӧ.
Тувсов шонді сэки шонтас
Кияссӧ да коксӧ.

Локталасны Коми муӧ 
Мича сьылысь кайяс. 
Паракодыс Эжва кузя 
Лэччылас да кайлас.

Муыс гӧрысьяслы сылӧ, 
Муса дона муыс.
Посни йӧзлы, пӧрысь йӧзлы 
Воас гажа лунъяс.

Тулыс вайӧ уна гажъяс 
Татчӧ, Коми йӧзлы.
Кага мамлы водзас каяс, 
Шуас: «Гажа ӧні!»