ОЛАНІН ВОДДЗА МОРТЛӦН

Воддза йӧзлӧн некутшӧм юр сюянін эз вӧв. Лун-лун вӧлі ветлӧдлӧны, корсьысьӧны кынӧмпӧт. Кытчӧ вой суас, сэтчӧ и узьмӧдчӧны. Кӧдзыдысь, зверысь вӧлі гуясӧ дзебсьӧны. Гу пытштӧ вольсалӧма турунӧн, нитшкӧн, коръясӧн да. Гу вом тупкӧма ыджыд изйӧн да лысъясӧн. Дерт, эськӧ сэтшӧм гуыд омӧлика видзӧ да, тӧвйыв дорсьыд да зэр ув дорсьыд век жӧ нин вевтув. Медсьӧкыд вӧлі челядьлы.

Бӧрын гӧгӧрвоисны сутшкавны бедьяс, ӧтлаӧ йылӧн. Сэсся лысъясӧн, коръясӧн, кучикъясӧн да гӧгӧрыс вевттялісны. Чомйӧ ӧзтісны бипур. Лои югыд, шоныд. Сэсся нӧшта бурӧс кутісны вӧчны оланіннысӧ. Тыяс вылӧ, ваяс вылӧ, му вылӧ и кутісны кок йылӧ керкаяс вӧчавны, зверъяс локтӧмысь дыр мысти кутісны оланін гӧгӧрныс кодъявны джуджыд бӧрӧздаяс, мукӧдыс керъясӧн потшавны. Сэтшӧм гӧгӧр потшӧм оланінъяс мӧдысь кутісны шусьыны каръясӧн.