МЕДВОДДЗА ЙӦЗЛӦН БИЫС

Воддза йӧз уна сюрс во эз кужлыны битӧ судзӧдны. Чард бисянь кӧ вӧлі ӧзъяс пу, бисӧ нуӧны гуаныс да, видзӧны кусӧмысь лун и вой. Мый би кусӧм, мый кулӧм — налӧн ӧткодь вӧлі. Мӧдысьджык, изъястӧ ёсьтігӧн, жугӧдлігӧн, казялісны би петалӧмтӧ (гашкӧ, сэтысь кос нитшъясыд ӧзйылісны и), сэсся гӧгӧрвоисны изнад битӧ шедӧдны. Сідзи надзӧникӧн йӧзыд велалісны биасьныд. Ыджыд бур босьтіс мортыд би помсьыд. Сійӧ шонтіс морттӧ, видзис зверъясысь. Биӧн сёян-юантӧ чӧскыдджыка кутіс лӧсьӧдны, пыжъястӧ кодъявны. Мыйӧн лоины пыжъяс, чери кыйӧм воссис. Ыджыд бур сэки босьтіс мортыд би помсьыд.