ОТСАЛІСНЫ ТАЙ!

Ӧстап дінӧ чукӧртчӧмаӧсь мужикъяс да сёрнитӧны, Ӧстаплысь войнас кумсӧ петкӧдӧмаӧсь да.

— Со пӧ ӧд кутшӧм причча суис: водігӧн на вӧлі бур олысь; чеччи да, кӧть корны пет.

— Эз ков, — шуӧ ӧти: — озырлуннад ошйысьныд, эз кӧ кывсьы бура олӧмыд, нинӧм эз ло.

— Некор оз ков ылӧ кумтӧ лэптыны, — висьталӧ мӧд: — сійӧ ӧд мед век син водзад.

Коймӧд шуӧ: «Сійӧ пӧ эськӧ нинӧм да, колӧ пӧ видзны лёк понйӧс, мед матӧ бокӧвӧйӧс оз сибӧд».

Уна быдсяма сӧвет эськӧ сетісны Ӧстаплы да, сӧмын некод нинӧмӧн эз отсав-а.