КӦИН ЙЫЛЫСЬ

Кӧин ыджыд пон кодь дзик. Сійӧ зэв ӧдйӧ котралӧ, шой дуктӧ кылӧ зэв ылысянь, верст кӧкъямыс сайсянь тӧв ньылыдтӧ. Кӧин зэв горш: ӧтчыдӧн вермӧ вазӧдны дзонь ыжӧс либӧ куканьӧс. Сэсся ён: ыжтӧ либӧ куканьтӧ вермӧ ас вылас кыскыны. Кыйӧдас войдӧр, уськӧдчӧмӧн вазнитас голяӧдыс, сэсся кык кокӧдыс вомас босьтас да, мыш вылас шыбитас ыж тушатӧ. Кӧин уна омӧль вӧчӧ мортлы. Сы понда ӧд сійӧс и кыйӧны быд ногыс: капканнад и пищальӧн и. Кӧинъяс олӧны вӧрын, слудаяс пытшкын, джуджыд шоръяс пӧлӧн.