ЛЫММОРТ

— Ӧти войӧн мыйта лым усьӧма! — сёрнитӧны челядьяс. Асьныс, нига тырнаныс мунігмозыс, лым комӧльӧн лыйӧны да лыйӧны мӧда-мӧдсӧ.

— Лӧсьыд жӧ, — шуӧны: — талун лымморттӧ вӧчныд!

Воисны школа дінӧ. Сэні важӧн мырсьӧны, пессьӧны. Ӧти здукӧн вӧчисны морт туша да юрсӧ лэптісны. Кодкӧ ныр пыддиыс картупель сюйӧма, синъяс пыддиыс шомторъяс, юрси пыддиыс корӧсь ньӧръяс сутшкалӧмаӧсь. Пач лыс — тош. Ӧти киас — зыр, мӧдас — рос. Ёна на быдторйӧн челядь лыммортӧс баситісны. Асланыс гажыс, горзӧмыс, серамыс!..