РУ

Ӧтчыд, песласигӧн, пачысь кыскисны ыджыд чугун, кӧлуй тыраӧс. Кӧлуйсӧ чугунсьыс путкыльтісны ворйӧ. Вор весьтас еджыд кымӧр качис да паськалі гӧгӧр.

— Тшыныс, тшыныс! — горӧдіс Ирук: — видзӧдлӧй, мыйта тшыныс!

— Васьыс нӧ, шуӧ, тшыныс петлӧ? — шыасис Васюк: — ваыс ӧд оз сотчы!

— Мый нӧ эськӧ тайӧ, абу кӧ тшын?

— Тайӧ синмӧн аддзан ру.

— Руыс нӧ абу тшын?

— Вай жӧ китӧ нюжӧдлы вор вевдорас. Аддзан, киыд кӧтасис.

— Сідзкӧ тай, руыд ва жӧ вӧлӧма.

— Дерт, ва. Биыд шонтас ватӧ, да ваыс руӧ пӧрӧ.

Васюк сетіс чойыслы тасьті да тшӧктіс вор вевдорас кутыштны. Тасьтіыд кӧтасис.

— Аддзан, — шуӧ Васюк: — кӧдзыд тасьтіад руыд бӧр кӧдзаліс да ваӧ пӧри.

Унджыксьыс руыд вылын сукмӧ. Сэтшӧм синмӧн аддзан сук русӧ ми шуам кымӧрӧн.

Улын, му-ва бердын тыдалан сук русӧ шуам руӧн.