ЗЭР-ЛЫМ ЙЫЛЫСЬ

Кымӧр оз сулав ӧтилаын: тӧв сійӧс дугдывтӧг новлӧдлӧ ӧтиласянь мӧдлаӧ. Кымӧр котӧртӧ енэжті, кутӧ русӧ кӧдзыд тӧвкӧд паныдасьтӧдз. Кӧдзыдысь кымӧрса ва ру сукмӧ, пӧрӧ ва войтъясӧ. Найӧ, дерт нин, оз вермыны кымӧрын овны, киссьӧны зэрӧн му вылӧ.

Кӧдзыд дырйи ва руыс чукӧрмӧ зэв посни ем кодь йи чирйӧ. Сэтшӧм йи чиръясыс чукӧртчӧны лым чирйӧ да усьӧны лымйӧн. Быд лым чир лоӧма зэв поснидик йиторъясысь. Лым чиръяс вывті мичаӧсь, быттьӧ найӧс кодкӧ наросьнӧ вӧчалӧма.