ПИОНЕРЪЯСЛӦН ЗАКОНЪЯСЫС

Быд ӧтувтчӧм-чукӧртчӧм лоӧ мыйкӧ вӧсна. Налӧн быдӧнлӧн эм устав, — закон. Сы серти найӧ уджалӧны, олӧны. Том пионеръяслӧн сідзи жӧ эм законъяс, оласногъяс.

Со кутшӧмӧсь законъясыс:

1. Пионер чорыда сулалӧ уджалысь йӧз дор.

2. Пионер оз пӧръясь, гусясь, ошйысь.

3. Пионер — ёрт, вок быд пионерлы, комсомоллы, мед кӧть сійӧ тотарин, еврей, роч, коми, немеч.

4. Пионер вӧчӧ ӧтувтчӧм законъяс серти.

5. Пионер зэв долыд, оз шогсьы, няргы.

6. Пионер эмбурсӧ кужӧ видзны, йӧзлысь удж пыдди пуктӧ.

Медчорыд законыс:

Пионеръяс пыр, быдлаын велӧдчӧны, быдтор тӧдмалӧны, сэсся тӧдмалӧмторсӧ, велӧдӧмторсӧ сетӧны уджалысь йӧзлы.