ОКТЯБРСА РЕВОЛЮЦИЯ

Быд во киссис вир...
Сар пукаліс йӧз сьылі вылын.
Эз чайтлыны татшӧм олӧмлы пом.
Вӧля йылысь полісны вӧтасьны.
Саръяс, озыръяс дворечьясын гажӧдчисны,
Вой-вой пируйтісны.
Дона сур-вина визывтіс шорӧн.
Эзысь-зарни дозъяс тронякылісны.
Дыр ёна уджалысь йӧз, крестьяна
Муӧдз нюкыльтчӧмӧн кыскисны крест.
Локтіс тай Октябр, чардыштіс би.
Сыліны, усины нэмӧвӧйся чепъяс, домъяс. 
Синва тыра енэжӧ ӧзйис выль шонді.
Воис тай вир юысьяслы мынтысян кад. 
Гымыштісны, кылісны шытӧвъяс:
«Выль туй ми му вылысь аддзим, индам:
Ӧнісянь медыджыд му вылас лоӧ удж.
Став уджалысь му пасьтала ӧтувтчӧй,
Чукӧртчӧй!»