КОДЫС ШАНЬДЖЫК

Трӧшӧ дядьлӧн кык пи. Кодыс бурджык, кодыс омӧльджык — ачыс оз тӧд.

Ӧти асывводзӧ сійӧ шуӧ ыджыдджык пиыслы:

— Мун му вылад да уджышт!

— Му вылӧ?! — горӧдіс мӧдыс: — мем дыш.

Ачыс пасьтасис-кӧмасис да му вылас жӧ муніс.

Трӧшӧ дядь ичӧт пи дінас локтіс:

— Мун, — шуӧ: — му вылад уджышт!

— Муна, муна, — шуӧ: — муса батьӧ! Менам мам-батьлысь кывзытӧмыд абу.

Ачыс сараяс кайис да лунтыр шкоргис-узис турун вылын.

Та бӧрын Трӧшӧ дядь юрсӧ гыжъялігтырйи унаысь шулывліс:

— Ӧтикыс пӧ, зонмӧ, эз кӧсйы мунны удж вылад да муніс, а мӧдыс кӧсйис да эз мун. Кодыс пӧ бара шаньджык-а?