КЕР ЛЭДЗЫСЬ ПЕТЫР

Гожся шоныд коли,
Локтӧ кӧдзыд тӧв...
Арся пӧра воис,
Ывла абу чӧв.

Ывла вылын пужъя — 
Колип петӧма...
Петыр дядьлӧн уджъяс
Кызыс эштӧма.

Кер кыскавны мӧдӧ
Кайны Петыр водз!
Лун-лун шӧйтӧ, жӧдзӧ — 
Лӧсьӧдӧ пу додь.

Войын оз и куньсьыв
Узьны сылӧн син...
Дум вывсьыс оз вунлы
Кер кыскаланін.

Гажа овны вӧрын,
Бара кольлам тӧв...
Туйяс тшыкӧм бӧрын
Гортӧ воам бӧр.

Быд лун гоз-мӧд шайтӧн
Босьтам сэтысь сьӧм, — 
Тадзик Петыр кайтӧ
Гӧтырыслы тӧн.

Мыйӧн пуксяс тӧлыс —
Лоӧ тӧвся туй,
Пыр доддяла вӧлӧс,
Ньӧти ог видз жуй.

Додьяс вӧчи выльӧс;
Пуалі выль чер...
Дзибъя пожӧм вӧрысь
Лэдза уна кер.

Сьӧлӧм мортлӧн пуӧ,
Ньӧти оз ов чӧв:
Ягӧ кыскӧ-нуӧ.
Кор нин воас тӧв.