КӦРТ ТУЙКомилӧн олӧмыс вежсьӧ — Мӧдӧма вежсьыны збыль: Важыс да сьӧкыдыс вешйӧ, Матысмӧ долыдджык, выль. Тӧрытӧдз ыліджык вӧрӧд Мунлывліс сӧмын на лызь... Талунсянь пармаяс шӧрӧд Писькӧдчӧ кӧрт туйлӧн визь. Ӧніӧдз пыр на ми олім Ас кежын, ді вылын моз... Важӧн нин, важӧн нин коли Йӧзыскӧд йитчыны пос! Кӧрт туйыд миянӧс йитас Мувывса йӧзыскӧд тшӧтш; Матысмас Сибыр и Чита, Бырасны чукыль да кӧдж. Миянлы ваяс культура, Оз нин ков виччысьны дыр; Коми му овмӧдчас бура — Озырлун гӧгӧрбок тыр. Му пытшкын — быдсяма руда, Лыдтӧм на сулалӧ вӧр... Водзиас олӧмыс шуда, Сӧмын тэ зільджыка вӧр. Партия уджалӧ: олӧм Кыпӧдны лӧсьӧдіс план. Уджалысь войтырлӧн колӧ Бурджыка отсасьны тан. Петӧй тшӧтш ордйысьӧм вылӧ! Ньӧбалӧй коймӧд заём! Овмӧстӧ кыпӧдны, кылад, Босьтчылӧй пӧрысь и том! Во-мӧдӧн кӧрт туйыд сувтас — Котӧртас выль паровоз... Туй дорын шензьыны кутас Пармаса пашкыра коз... Комилӧн олӧмыс вежсьӧ — Мӧдӧма вежсьыны збыль; Важыс да сьӧкыдыс вешйӧ, Матысмӧ долыдджык, выль.
